Rơkâu Kăn teăng mâ hiăng kêi đeăng hnoăng cheăng pêi cheăng a Việt Nam, jâ Võ Thị Ánh Xuân, Teăng Kăn xiâm hnê ngăn tơnêi têa kheăn kơdeăn hnoăng ƀă tíu cheăng dêi (Al-jê-ri) Algeria a châu Phi ƀă tung lâp plâi tơnêi. Loi tơngah khât, Algeria kô pơtối châ hên tơdroăng châ tơƀrê kân tâ mê nếo tung tơdroăng mơjiâng ƀă mơnhông tơnêi têa.

Teăng Kăn xiâm hnê ngăn tơnêi têa tối ăm ‘nâi, tơmeăm ki ai hlâu mơnhông tơrŭm cheăng kâ, tê mơdró pơla péa tơnêi têa ối kân, tung mê ai kơvâ on tơhrik ƀă pêi chiâk deăng. Teăng Kăn xiâm hnê ngăn tơnêi têa pói vâ hmâ pro kăn ki lâi, Kăn teăng mâ kô pơtối ăm mâu tơdroăng tuăn pâ lĕm ăm Việt Nam, kum pro kông tơdjêp mơdêk tơrŭm cheăng pơla péa pâ ƀă trâm mâ tơpui tơno kuăn pơlê péa tơnêi têa.