Pơtroh mâu rơkong rơkâu ki lĕm troh mâu ngế ngăn pơkeăng Ƀok thái pơkeăng drêng troh hâi Ƀok Thái pơkeăng Việt Nam, pôa Nguyễn Trọng Nghĩa tối nhên, pơla hdrối kố nah Tíu xiâm Đảng ƀă Kuô̆k hô̆i ai hên Pơkâ ‘na tơdroăng rak tơniăn tung rêh ối, tơdroăng ngăn pơkeăng, rak ngăn ivá kuăn pơlê. Tung mê, Pơkâ xiâm tơnêi têa má 8 ‘na hơ’lêh nếo mơdêk ki tơƀrê luât pơkâ tŏng kum hiăng tơmâng tŏng kum ‘na khăm pơlât.

Pơ’lêh mâu tơdroăng pơkâ dêi Chin phuh cho troăng prôk tro tuăn dêi kuăn pơlê, pôa Nguyễn Trọng Nghĩa púi vâ Hngêi pơkeăng Tơ’noăng ivá Việt Nam ƀă Hngêi pơkeăng Tâm Anh mơdêk tuăn lĕm, pêi cheăng lĕm tro tung khăm pơlât tro tuăn kuăn pơlê, khăm pơlât tơƀrê má môi, ai tiô tơdroăng púi vâ dêi kuăn pơlê. Xuân tung rôh kố, khu kăn hnê mơhnhôk cheăng xiâm hiăng troh lăm pôu ƀă rơkâu kăn ƀô̆ mâu ngế ngăn pơkeăng Ƀok thái pơkeăng ƀă mơngế pêi cheăng dêi Hngêi pơkeăng Bạch Mai.