A roh trâm mâ tơpui tơno, péa pâ hiăng tối tơbleăng ăm dêi pó ‘na tơdroăng ki má môi dêi rêm Đảng, rêm kong têa, ‘na mâu tơdroăng ki xiâm tơdroăng pêi cheăng kân dêi péa Đảng tung pơla achê kố; séa ngăn tơrŭm cheăng, troăng pêi la ngiâ pơkâ pêi tâi tâng ƀă mâu tơdroăng ki xiâm tung tơdroăng pêi cheăng xiâm tung tơrŭm cheăng pơla péa Đảng.

Péa pâ môi tuăn mơnhông tâ mê nếo hnoăng tung tơdroăng tơbleăng, mơhnhôk tơdroăng pêi pro mâu tơdroăng môi tuăn râ kăn xiâm pơla Khu râ kăn pơkuâ péa Đảng ƀă péa tơnêi têa; môi tuăn pơtối tơrŭm mơdêk tah lôi mâu tơdroăng pá puât vâ thăm tâ mê nếo tơrŭm cheăng tung tê mơdró, pêt mơjiâng tơmeăm, mơ’no liăn cheăng pơla péa tơnêi têa; pro tơ’lêi hlâu ăm khu tê mơdró péa tơnêi têa pêi cheăng rế hía rế châ tơƀrê, ki rơhêng vâ tối tung kơvâ pêi chiâk deăng.

Pôa Lê Hoài Trung tối nhên Đảng, Tơnêi têa ƀă kuăn pơlê Việt Nam đi đo môi tuăn tơdroăng cheăng kăch măng tơdrăng dêi Đảng, Tơnêi têa ƀă kuăn pơlê Cuba nhŏng o.