Kăn pơkuâ hnê ngăn Đảng kong pơlê kong Dak Lak lăm pôu, mơhnhôk mâu khu mơdró drêng troh apoăng hơnăm nếo
Thứ năm, 10:00, 22/02/2024
Tơplôu: Gương/VOV Tây Nguyên
Tơplôu: Gương/VOV Tây Nguyên
VOV4.Xơ Đăng - Drêng troh apoăng hơnăm nếo Giáp Thìn 2024, pôa Nguyễn Đình Trung, ngế cheăng tung Tíu xiâm Đảng, Kăn pơkuâ hnê ngăn Đảng kong pơlê rơtế ƀă mâu kăn hiăng troh lăm pôu rơkâu hơnăm nếo a mâu khu mơdró a pơlê kong kơdrâm Ƀuôn Ma Thuột.
A mâu tíu lăm pôu, pôa Nguyễn Đình Trung hiăng tơmâng xo ƀă khĕn kơdeăn mâu tơdroăng ki mơ-eăm dêi mâu Kŏng ti hiăng tơkâ kuâ xơpá, pơloăng mơnúa tung hơnăm 2023 vâ pơtối mơnhông pêi chiâk; pêi pro tro mâu luât pơkâ, liăn khế mơhá xuân môi tiah tơdroăng cheăng kâ rêh ối ăm mơngế ki pêi cheăng, veăng ‘no hnoăng mơnhông tơdjuôm dêi kong pơlê Dak Lak.
Tung la ngiâ, pôa Nguyễn Đình Trung púi vâ mâu kŏng ti pơtối rak vế mâu tơdroăng hiăng châ pêi pro rơhéa ƀă mơdêk tơƀrê tung pêi cheăng, tơdroăng cheăng rế kân tâ vâ pro pơxúa hên, veăng ‘no hnoăng mơnhông cheăng kâ-rêh ối dêi kong pơlê xuân môi tiah tơmâng tŏng kum tơdroăng rêh ối ăm mơngế pêi cheăng.
Viết bình luận