Kăn pơkuâ Kuân khu 5 rơkâu khu lêng tuk ƀă kuăn pơlê Pơlê kong kân Đà Nẵng
Thứ bảy, 06:00, 17/02/2024
Tơplôu: Katarina Nga/VOV
Tơplôu: Katarina Nga/VOV
VOV4.Xơ Đăng - Kơxo lơ 16/1, Trung tươ̆ng Thái Đại Ngọc, Kăn pơkuâ Kuân khu 5 hiăng troh pôu, rơkâu kăn ƀô̆, Khu lêng tuk ƀă kuăn pơlê a Pơlê kong kân Đà Nẵng hiăng pêi klêi hnoăng cheăng gâk hbrâ rơnáu tơplâ rôh Têt Giáp Thìn.
Ing hâi lơ 15/1 troh hâi lơ 16/2/2024, tuk ĐNa-91222.TS ối tung Khu lêng tuk ƀă kuăn pơlê dêi Pơlê kong kân Đà Nẵng lăm pêi dêi hnoăng cheăng gâk Têt; rế kum mâu tuk kuăn pơlê tơnăng ká xi xŏng a têa kơxĭ, rế tơrŭm ƀă mâu khu lêng lăm pơtrui ngăn, rak vế tơniăn lĕm kơpong têa kơxĭ.
Khu râ pơkuâ Đảng, kăn pơkuâ tuk hiăng tơmâng tơkŭm tơdah Têt a tuk hơniâp ro, tơniăn, rơdêi. Trung tươ̆ng Thái Đại Ngọc khĕn kơdeăn hiâm mơno kơdo mơ-eăm ‘mâi mơnhông mâu rôh xơpá tung tíu ki ai têa rơlâu kân hiăng pêi klêi rơkê má môi hnoăng cheăng a têa kơxĭ rôh Têt; tơrŭm tơniăn ƀă mâu tuk Kơpong 3 Khu lêng tuk troh tah mâu tuk kong têa ê tơnăng ká xi xŏng pro xôi luât kơpong têa kơxĭ Việt Nam.
Viết bình luận