Tơbleăng mơgêi a hneăng hôp, pôa Vương Đình Huệ - Kăn xiâm hnê ngăn Kuô̆k hô̆i khĕn kơdeăn hơnăm 2023 mâu kăn Kuô̆k hô̆i hiăng pơtối rak vế pêi pro tro luât hbrâ, séa ngăn tơƀrê  ƀă mâu  tơdroăng pơkâ teăm tơdrêng, pơtối rak vế tơdroăng cheăng pêi tro luât, ‘nâi hnoăng cheăng pêi tơná, tung tơdroăng mơjiâng luât, pơkâ mâu tơdroăng tro ‘ló, ing hnoăng cheăng pêi, tung tơdroăng mơjiâng luât, pơkâ mâu tơdroăng cheăng ki kal dêi tơnêi têa ƀă séa ngăn, trâm mâ kuăn pơlê, tơdroăng tơdah kuăn pơlê, séa ngăn, mơhnhôk rĕng tơleăng mơnhên hlá đơn xăm phoăng, xăm tơkêng dêi kuăn pơlê.

Tung la ngiâ, pôa Vương Đình Huệ - Kăn xiâm hnê ngăn Kuô̆k hô̆i  pơkâ thế mâu kăn Kuô̆k hô̆i pơtối rak vế pêi pro mâu tơdroăng hiăng pêi châ tơƀrê, pơtối po rơdâ, tăng tơ’nôm tơdroăng cheăng, mơdêk hên tâ nếo tơdroăng cheăng pêi dêi Khu kăn Kuô̆k hô̆i. Malối, pơtối mơhno cheăng, hnoăng cheăng pêi ai pơxúa dêi Khu kăn Kuô̆k hô̆i tung tơrŭm cheăng ƀă tơdroăng cheăng pêi dêi Kuô̆k hô̆i Việt Nam tối tơdjuôm.

Kăn xiâm hnê ngăn Kuô̆k hô̆i tối pơchân, khu kăn Kuô̆k hô̆i tơrŭm ƀă Hô̆i đong hnê ngăn Kuăn pơlê ƀă mâu Vi ƀan dêi Kuô̆k hô̆i séa ngăn a mâu tơring kong pơlê, séa ngăn, hnê tối thế tơleăng mơnhên tung xăm phoăng, xăm tơ kêng ki kuăn pơlê pâ thế.