Tơbleăng hnê mơhno a rôh pêi cheăng, Kăn xiâm hnê ngăn Kuô̆k hô̆i Vương Đình Huệ ai tối nhên, tơdroăng pơtroh ăm Kuô̆k hô̆i séa ngăn, tơbleăng tơdroăng tơkêa bro Luât pơlê kong xiâm (‘mâi hơ’lêh) ƀă tối mâu tơdroăng ‘na pơkâ hdró pơlê kong xiâm, Tơdroăng tơkêa bro ‘mâi hơ’lêh Pơkâ hdró tơdjuôm pơlê kong xiâm tơdrêng môi hneăng hôp mơjiâng chiâng luât ki kal ăm pơlê Kong xiâm mơnhông tơƀrê.

Mâu tơdroăng ki kal mê vâ mơjiâng luât ki nếo, mâu tơdroăng pơkâ, troăng vâ pêi ki kân la ngiâ tung mâu pơkâ dêi Đảng, malối cho Pơkâ dêi Khu xiâm kal kí ‘na troăng rơhlâ, tơdroăng mơnhông tơƀrê pơlê Kong xiâm Hà Nội troh hơnăm 2030, hbrâ tơdroăng vâ pêi troh hơnăm 2045 ƀă ăm veăng tối hnê mơhno dêi Kăn xiâm pơkuâ ngăn Đảng Nguyễn Phú Trọng ƀă tơdroăng mơjiâng, mơnhông tơƀrê pơlê kong xiâm.