Tơdroăng kố châ tơdjêp ‘no tơdrêng ƀă 57 to tíu ki mơ’no dêi Khu ngăn Mố đô̆i gâk tơkăng kong mâu kong pơlê, mâu đông gâk tơkăng kong a kơpong hngế hngo, kơpong chuăn rơlố. Teăng mâ kăn pơkuâ Đảng, Tơnêi têa, Kăn xiâm hnê ngăn Kuô̆k hô̆i mơnhên tối khât ƀă khĕn kơdeăn mâu tơdroăng ki pêi pro tơƀrê dêi khu lêng Mố đô̆i gâk tơkăng kong hiăng pêi klêi tung pơla hdrối kố nah; tơdrêng a mê hlối mơnê ivá mơeăm, kơhnâ ƀă mâu tơdroăng ki pleăng ivá kân kĭn la ôh tá ai kơbố ‘nâi a tíu tơkăng kong ki hngế hngo, xơpá, malối cho tung mâu apoăng rơnó Hơngui dêi hơnăm nếo, drêng Têt troh Hơngui vêh.

Tung la ngiâ ah, Kăn xiâm hnê ngăn Kuô̆k hô̆i Vương Đình Huệ pơkâ thế, khu Mố đô̆i gâk tơkăng kong pơtối pơkâ kơtăng tŭm, tơbleăng kơtăng mâu tơdroăng hnê mơhno, pơkâ dêi Đảng, Luât dêi tơnêi têa ‘na hnoăng cheăng rak vế pơlê pơla gâk kring cheăm bêng.

Drêng kố, Kăn xiâm hnê ngăn Kuô̆k hô̆i hiăng pơtroh diâp mâu hnoăng tơmeăm troh ăm mâu Đông Mố đô̆i gâk tơkăng kong a mâu tíu pêi cheăng ki xơpá, mâu đông mố đô̆i gâk tơkăng kong dế xo păn roăng vâi hdrêng kuăn tê, ai tơdroăng rêh ối xơpá a tíu pêi cheăng 354 muăn tơxĭn cho (Kuăn roăng đông mố đô̆i gâk tơkăng kong).