Kăn xiâm hnê ngăn Kuô̆k hô̆i Vương Đình Huệ ƀă Khu kăn hiăng têk nhang tơbâ, mơnê mâu hnoăng cheăng veăng kum kân kĭn dêi kăn xiâm hnê ngăn Kuô̆k hô̆i ki hiăng hlâ Nguyễn Hữu Thọ ƀă hnoăng cheăng kăch măng dêi Đảng, tơnêi têa ƀă Kuô̆k hô̆i.

Tơpui tơno ƀă pôa Nguyễn Hữu Châu, kuăn rơmúa dêi Kăn xiâm hnê ngăn Kuô̆k hô̆i Nguyễn Hữu  Thọ, Kăn xiâm hnê ngăn Kuô̆k hô̆i Vương Đình Huệ hơ’muăn tối mâu tơdroăng ki hdró kal tung rơxông ƀă tơdroăng cheăng dêi Kăn xiâm hnê ngăn Kuô̆k hô̆i ki hiăng hlâ Nguyễn Hữu Thọ.

Kăn xiâm hnê ngăn Kuô̆k hô̆i Vương Đình Huệ rơkâu hơnăm nếo tơniăn lĕm má môi kơ rơpŏng Kăn xiâm hnê ngăn Kuô̆k hô̆i ki hiăng hlâ Nguyễn Hữu Thọ; rơhêng vâ rơpŏng pôa pơtối mơdêk khôi hmâ, veăng kum kơhnâ ăm tơdroăng cheăng mơjiâng ƀă rak vế Tơnêi têa, tơmâng ngăn, veăng tơpui tối tung mâu tơdroăng cheăng dêi Kuô̆k hô̆i.