Pôa Vương Đình Huệ, Kăn xiâm hnê ngăn Kuô̆k hô̆i hiăng troh pôu rơpŏng jâ Lê Thị Ngô (vâ chê 90 hơnăm), a Tôh 3, bêng Nghĩa Tân, pơlê kong kơdrâm Gia Nghĩa, kong pơlê Dak Nông. Kăn xiâm hnê ngăn Kuô̆k hô̆i kơ-êng ivá ƀă tơdroăng rêh ối dêi rơpŏng jâ Lê Thị Ngô, mơhno hiâm mơno pâ mơnê ó khât troh mâu Nôu Việt Nam khên tơnôu, mâu ngế ki ai hnoăng ƀă kăch măng hiăng pleăng, veăng kum kân kĭn ăm hnoăng cheăng tơplâ tơleăng lĕm hdroâng mơngế, rak vế Tơnêi têa, mơjiâng pơlê cheăm tơnêi têa.

Rơpŏng jâ Lê Thị Ngô cho rơpŏng ki djâ troăng ahdrối ‘na hiâm mơno kăch măng vâ mâu rơxông kơ’nâi hriâm ƀối. Kăn xiâm hnê ngăn Kuô̆k hô̆i xuân phiu ro drêng tơdroăng rêh ối dêi rơpŏng jâ Lê Thị Ngô tối krê, mâu rơpŏng ki châ tơnêi têa kum ƀă kuăn pơlê kong pơlê Dak Nông tối tơdjuôm rế hía rế phâi hơtôu, cheăng kâ mơnhông.