A rôh tơdah, prế kăn xiâm hnê ngăn Vi ƀan cheăng kâ Nhuk – Việt Nam ƀă mâu ngế ki tơrŭm cheăng dêi péa tơnêi têa tung khu rơhêng vâ kô pơtối veăng kum ăm tơrŭm cheăng dêi péa tơnêi têa; rơhêng vâ po rơdâ pêi cheăng mơdró kâ dêi tơná a Việt Nam ƀă mâu kơvâ cheăng, môi tiah: hnê cheăng ăm mâu ngế rơkê dêi kơvâ cheăng ƀă kơmăi kơmok, tơrŭm tung kơvâ phần mềm; hnê cheăng; mơjiâng on tơhrik xúa ƀă hên ki ê.

Pôa Vương Đình Huệ, Kăn xiâm hnê ngăn Kuô̆k hô̆i mơnhên tối khât túa tơmiât tơdjuôm Việt Nam - Nhuk hiăng tơbleăng ƀlêi chiâng tung plâ 20 hơnăm hdrối, pơkâ thế Vi ƀan Cheăng kâ Việt Nam - Nhuk xuân môi tiah Keidanren pơtối tơrŭm ƀă mâu kơ koan Việt Nam thăm mơdêk mâu tơdroăng cheăng tơpui kâ troăng hơlâ, tối tơbleăng mâu tơdroăng kal, tơdroăng ki rơkê ăm mâu kơ koan ki ai tơdjâk troh dêi Việt Nam tung pơla pêi klêi luât, troăng hơlâ vâ hơ’lêh tâ nếo tơdroăng ‘no liăn cheăng Việt Nam, cho kông tơdjêp kum mâu khu mơdró kâ Nhuk ‘no liăn hên tâ a Việt Nam.