Kăn xiâm hnê ngăn Kuô̆k hô̆i trâm mâ Kăn xiâm hnê ngăn Kuô̆k hô̆i hneăng hdrối, cho Vi ƀan pơkuâ Kuô̆k hô̆i
Thứ ba, 13:53, 30/01/2024
Tơplôu: Gương/VOV
Tơplôu: Gương/VOV
VOV4.Xơ Đăng - Tung chôu phut sôk so tơdah môi rơnó hơngui nếo ƀă tơbâ hâi mơjiâng Đảng Kŏng sản Việt Nam, kơxo hâi lơ 29/1, a Hngêi Kuô̆k hô̆i, Kăn xiâm hnê ngăn Kuô̆k hô̆i Vương Đình Huệ trâm mâ mâu kăn Kuô̆k hô̆i hneăng hdrối; Vi ƀan pơkuâ Kuô̆k hô̆i hneăng hdrối
A rôh trâm mâ, mâu kăn Kuô̆k hô̆i hneăng hdrối ai tối tiah kố, Kuô̆k hô̆i hneăng 15 pơtối mơhno ki môi tuăn hơ’lêh nếo tung mâu kơvâ cheăng, hneăng hôp Kuô̆k hô̆i, vâ achê ƀă kuăn pơlê ƀă châ kuăn pơlê, krâm kuăn pơlê khĕn kơdeăn.
Mâu kơ koan dêi Kuô̆k hô̆i hbrâ tơrŭm tơtro ƀă Chin phuh xua pơkâ tơdjuôm, tơtro ƀă troăng rơhlâ mơnhông mơdêk tung tơnêi têa ƀă kong têa ê. Drêng troh Têt lo hơnăm nếo Giáp Thìn 2024, Kăn xiâm hnê ngăn Kuô̆k hô̆i Vương Đình Huệ rơkâu mâu kăn xiâm hnê ngăn Kuô̆k hô̆i hneăng hdrối, kăn xiâm hnê ngăn Vi ƀan pơkuâ Kuô̆k hô̆i mâu hneăng rơtế ƀă mâu rơpŏng hngêi, môi hơnăm nếo tơniăn lĕm, ivá rơdêi ƀă hơniâp ro’ pơtối kum, hnê hên tâ nếo vâ Kuô̆k hô̆i pê klêi tơdroăng cheăng ki Đảng ƀă Tơnêi têa pơcháu.
Viết bình luận