A rôh lăm pôu păng ‘nâng troh tơnêi têa Kŏng hoa Nhân yân Sinuâ, pôa Vương Đình Huệ, Kăn xiâm hnê ngăn Kuô̆k hô̆i kô ai rôh tơpui tơno, ƀă kăn xiâm tơnêi têa Kŏng hòa Nhân yân Sinuâ, veăng hôp a mâu rôh hôp troăng hơlâ tŏng kum, trâm mâ kuăn pơlê Việt Nam – Sinuâ, tơpui tơno, tơdah kăn pơkuâ mâu grup pơkuâ ki kân ƀă pôu ngăn tíu cheăng kăn teăng mâ Việt Nam a Sinuâ, trâm mâ kuăn pơlê Việt Nam a Sinuâ ƀă hên ki ê.

Pôa Vương Đình Huệ, Kăn xiâm hnê ngăn Kuô̆k hô̆i tối, Kuô̆k hô̆i Việt Nam ƀă Kăn pơkuâ lâp tơnêi têa Sinuâ kô kĭ nếo Tơkêa tơrŭm teăng ăm Tơkêa tơrŭm cheăng hiăng kĭ hơnăm 2025 ƀă mâu tơdroăng ki nếo. Rơtế ƀă Tơkêa tơrŭm cheăng nếo pơla Kuô̆k hô̆i Việt Nam ƀă Kăn pơkuâ Sinuâ, Ƀơrô cheăng Sinuâ xuân chôu vế rôh apoăng kĭ Tơkêa tơrŭm vâ tơbleăng pêi pro mâu tơdroăng tơrŭm cheăng pơla kơ koan mơjiâng luât péa tơnêi têa.