Kăn xiâm hnê ngăn Kuô̆k hô̆i tối, Khu xiâm ngăn pơkeăng pơlât hiăng tơkŭm tăng ‘nâi plĕng mâu tơdroăng ăm Chin phuh vâ pơtroh ăm Kuô̆k hô̆i pơkâ Luât Khăm, pơlât (ki ‘mâi hơ’lêh). Kố cho  tơdroăng ki hdró, tơdroăng ki pơkâ troh mơnhông kơvâ cheăng ‘na pơkeăng, pro tro tơ’lêi hlâu tung luât khăm pơlât, tơbleăng ăm mâu tíu khăm pơlât. Tơdroăng kố mơhno ki mơ-eăm dêi tá Kuô̆k hô̆i ƀă Chin phuh tung mơjiâng, pê klêi ƀă pơkâ luât.

Tung la ngiâ, Kăn xiâm hnê ngăn Kuô̆k hô̆i Vương Đình Huệ pơkâ thế: Kơvâ ngăn pơkeăng pơtối tơmâng hnê pêi tŭm tơdroăng cheăng, ai pơxúa dêi kơvâ ngăn pơkeăng, pêi pro tiô hnê mơhno dêi Pôa Hồ, ing mâu tơdroăng Pơkâ dêi Đảng ‘na kơvâ ngăn pơkeăng. Tơdroăng pơkâ kơxô̆ má 20 tối nên mơjiâng kơvâ pơkeăng Việt Nam khoa hok, kuăn ngo ƀă kuăn pơlê, ƀă pơkâ pêi tơƀrê tá mơdêk ivá mo lĕm tá châ, tá tuăn, ƀă tơdroăng ki tơƀrê tung rêh ối dêi kuăn pơlê.