A rôh tơdah, kăn xiâm hnê ngăn Kuô̆k hô̆i Vương Đình Huệ mơnhên tối khât mâu hvêa chêng prôk ki rơkê tung tơrŭm péa Đảng, péa tơnêi têa tung pơla hdrối nah, malối cho tơdroăng ki péa pâ môi tuăn pơtối pêi pro trâu hngế ƀă mơdêk ki kal tung tơrŭm cheăng la ngiâ tŭm têk, mơjiâng “Pơlê pơla kum dêi rơpó hlo tơdroăng tung la ngiâ Việt Nam – Sinuâ ai pơxúa”.

Péa pâ phiu ro drêng hlo tung pơla hdrối nah, 6 túa pơkâ tơrŭm cheăng kân pơla péa tơnêi têa hiăng châ tơbleăng ƀă apoăng hiăng pêi châ tơƀrê khât. ‘Na tơrŭm cheăng pơla péa Kuô̆k hô̆i, kăn xiâm hnê ngăn Kuô̆k hô̆i tối nhên tung tâi tâng ivá mơ-eăm mơdêk ‘Tơdroăng loi kal kí rế hía rế a ‘ngêi tâ”, tơrŭm pơla Kuô̆k hô̆i péa tơnêi têa ôh tá la lâi pơtê ‘mâi mơnhông ƀă mơdêk trâu hơngế.

Kăn teăng mâ kô pơtối cho kông tơdjêp mơdêk tơƀrê mâu kơvâ tơrŭm cheăng pơla péa tơnêi têa, veăng kum mơdêk pêi pro tro hlê plĕng tơdjuôm dêi kăn pơkuâ xiâm; ăm tơrŭm cheăng péa Đảng, péa tơnêi têa ôh tá la lâi pơtê mơnhông mot trâu hngế, tơniăn, lĕm ƀă krá ton.