Kăn xiâm hnê ngăn Kuô̆k hô̆i Vương Đình Huệ mơnhên tối, tung troăng prôk tơpui kâ ƀă kong têa ê dêi tơná, Việt Nam đi đo nhuô̆m ƀă kơjo mơnhông tơrŭm cheăng ƀă kong têa Alơmăng, kong têa ki má môi a châu Âu ƀă tung lâp plâi tơnêi; đi đo pêi trâu hơngế tơrŭm cheăng ton xŏn ƀă kong têa Alơmăng tung tâi tâng mâu ƀâng Đảng, Kuô̆k hô̆i, Chin phuh ƀă trâm mâ tơpui tơno pơla kuăn pơlê.

A roh trâm mâ tơpui tơno, péa ngế kăn xiâm pơkuâ kheăn kơdeăn tơdroăng châ tơƀrê kân, tâi tâng châ tơƀrê tung tơdế chal tơrŭm cheăng xuân môi tiah tung lối 10 hơnăm 2 tơnêi têa mơdêk tơrŭm cheăng to Khu tơrŭm cheăng ton xŏn. Kăn xiâm hnê ngăn Kuô̆k hô̆i pơkâ thế, Kuô̆k hô̆i péa tơnêi têa thăm tơrŭm séa ngăn ƀă mơhnhôk pêi pro mâu tơdroăng môi tuăn tơrŭm cheăng ki Chin phuh péa tơnêi têa hiăng kĭ tơkêa, mâu tơdroăng tơkêa bro tơrŭm cheăng ton xŏn.