Xông tơpui roh mơhnhôk pêi pro, Kăn xiâm phŏ hnê ngăn Kuô̆k hô̆i Trần Quang Phương tối ăm ‘nâi, Khu pơkuâ hnê ngăn cheăng Đảng hiăng hnê mơhno djâ tơdroăng pêi cheăng Leh tơbâ 80 hơnăm Hâi tâ phĭu apoăng rah xo Kuô̆k hô̆i Việt Nam mot tâi tâng mâu hâi leh kân ƀă tơdroăng mơnhông mơdêk ki kal dêi tơnêi têa tung 3 hơnăm 2023 – 2025.

Klêi mê ai mơnhên tối, chêh bro tơdroăng hơdruê ‘na mâu kơ koan kuăn pơlê rah xo cho đê tai ki pá, Kăn xiâm phŏ hnê ngăn Kuô̆k hô̆i Trần Quang Phương loi tơngah, mâu tơdroăng châ tơƀrê kân dêi 80 hơnăm Kuô̆k hô̆i Việt Nam rơtế mâu tơdroăng châ tơƀrê hên, cho troăng khía pơhlêh nếo tung hnoăng pêi cheăng dêi Kuô̆k hô̆i, Hô̆i đong kuăn pơlê.

A leh mơhnhôk, kăn xiâm hnê ngăn Kuô̆k hô̆i Vương Đình Huệ rơtế mâu kăn teăng mâ tiê nut păng ‘nâng mơhnhôk roh mơhnhôk chêh bro tơdroăng hơdruê ‘na Kuô̆k hô̆i ƀă Hô̆i đong kuăn pơlê.