A roh leh, Kăn xiâm hnê ngăn tơnêi têa tối nhên, kố cho roh vâ môi xôh nếo mơnhên mâu tơdroăng veăng kum kân dêi mâu rơxông kăn ƀô̆, mâu lêng gâk kring tơkăng kong ƀă hnoăng kân dêi Kuăn pơlê tung gâk kring hnoăng pơkuâ tơnêi tơníu, gâk kring tơkăng kong tơnêi têa; mơnhông ivá tơkŭm tâi tâng dêi hdroâng mơngế ăm tơdroăng mơjiâng ƀă gâk kring Tơnêi têa Việt Nam xah hô̆i chuh ngiah.

Teăng mâ khu râ kăn pơkuâ Đảng, Tơnêi têa, Kăn xiâm hnê ngăn tơnêi têa Võ Văn Thưởng diâp Mê dái Chiến công ối má Péa ƀă pơtroh rơkong rơkâu lĕm tro má môi troh mâu khu mô đô̆i gâk tơkăng kong. Kăn xiâm hnê ngăn tơnêi têa pơkâ Mô đô̆i gâk tơkăng kong, mâu râ, mâu kơvâ cheăng, ki má lối cho mâu tơring tơkăng kong ‘nâi nhên, tối hdrối tơtro tơdroăng, ki má lối cho tơdroăng tơpui kâ pakong tơkăng kong tơdjâk troh tơdroăng gâk kring tơkăng kong, hbrâ ai troăng tơpui kâ, troăng tơleăng tro, tơtro; Mơdêk tơdroăng pơtâng tối, hnê hriâm, mơdêk hlê plĕng, hnoăng, ƀă hnoăng cheăng gâk kring hnoăng pơkuâ tơnêi tơníu, gâk kring tơkăng kong tơnêi têa, ki má lối cho tung mâu tơring tơkăng kong, têa kơxĭ, rơlố.