Klêi kơ’nâi tơmâng tơbleăng, Kăn xiâm hnê ngăn tơnêi têa Võ Văn Thưởng pơtroh tâi tâng kăn ƀô̆, mơngế pêi cheăng Tíu pong hrik chuâ têa châu têa kơxăng Tíu xiâm dêi Cửu Long JOC tối krê, lâp kơvâ têa châu têa kơxăng tối tơdjuôm rơkong kơ-êng tá hiâm mơno ƀă rơkong rơkâu hơnăm nếo lĕm tro má môi. Ƀă 415 rơtuh kơthung têa châu têa kơxăng hrik chuâ, Kăn xiâm hnê ngăn tơnêi têa kheăn kơdeăn Cửu Long JOC ai veăng kum kal khât ƀă kơvâ têa châu têa kơxăng ƀă liăn ngân tơnêi têa.

Tung mê tối nhên, tơdroăng lăm séa ngăn hrik chuâ têa châu têa kơxăng cho kơvâ ki má môi, Kăn xiâm hnê ngăn tơnêi têa pơkâ thế kăn ƀô̆ đảng viên kŏng nhân viên grup pơkuâ têa châu têa kơxăng thế hlê plĕng trâu hơngế, mơnhông cheăng kâ đi đo ƀă rak tơniăn cheăng lêng gâk kring ƀă tơniăn cheăng lêng gâk kring hlối mơnhông cheăng kâ.