Tơdroăng ‘’Rơnó hơngui tíu tơkăng kong tơtô kuăn pơlê’’ châ tơkŭm po tung rôh Têt  troh, rơnó hơngui vêh. Tơdroăng hiăng tơbleăng lâp lu,  châ rêm râ, kơvâ cheăng, mâu khu tơrŭm cheăng ƀă  mâu ngế ing tíu xiâm troh kong pơlê tơmâng, rơtế tơrŭm veăng ‘no hnoăng. Mơnhông a tơdroăng cheăng, teăng mâ kăn xiâm Đảng, Tơnêi têa, Kăn xiâm hnê ngăn tơnêi têa Võ Văn Thưởng hiăng pơtroh rơkong rơkâu ki lĕm má môi tung tâi tâng khu kăn pơlê, kăn ƀô̆, mâu lêng Mố đô̆i gak tơkăng kong, kuăn pơlê hdroâng kuăn ngo, chuăn rơlố.

Kăn xiâm hnê ngăn tơnêi têa tối nhên, tíu ki trâm hên xơpá, Mố đô̆i gak tơkăng kong hiăng ai hên túa cheăng, tơdroăng pêi pro ki pơxúa, lĕm tro chiâng hmâ ƀă achê tung tơdroăng rêh ối dêi kuăn pơlê tíu tơkăng kong ƀă kuăn pơlê tung lâp tơnêi têa. Rêm hơnăm, rêm rôh Têt troh, rơnó hơngui vêh, Tơdroăng “Rơnó hơngui tíu tơkăng kong tơtô kuăn pơlê’’ hlo hơniâp ro troh mâu pơlê cheăm tíu tơkăng kong, chuăn rơlố cho môi tơdroăng vâ mơnhên ‘na tơdroăng tơrŭm tâi tâng kuăn pơlê, ‘na tơdroăng hmâ môi tiah môi mơheăm chhá pơla mâu lêng kuăn pơlê ƀă mâu hdroâng kuăn ngo.