Kăn xiâm hnê ngăn tơnêi têa ƀă mâu kăn nhoăm pâ chôu nhang, pleăng reăng tơbâ kơ Kăn xiâm hnê ngăn tơnêi têa Hồ Chí Minh, ngế kăn xiâm ki rơkê dêi Đảng ƀă kuăn pơlê pin, Khên tơnôu ai hnoăng pro tơleăng lĕm hdroâng mơngế, Ngế ki rơkê khât. Vâ mơnê, nhoăm pâ khât ƀă hâk tơngăm kơ Pôa, Kăn xiâm hnê ngăn tơnêi têa ƀă khu kăn lăm lăm pêi cheăng tối kô mơ-eăm hriâm ƀă pêi pro tiô tơdjâ tuăn mơno ki lĕm, túa pêi cheăng ki lĕm dêi Pôa.

Kơpong tíu tơbâ Tơnêi têa ki kal a Kim Liên, môi tung mâu tíu tơbâ ki kal dêi rơxông ƀă tơdroăng cheăng dêi Kăn xiâm hnê ngăn tơnêi têa Hồ Chí Minh, a 2 to cheăm Kim Liên ƀă Nam Giang, ai Tíu tơbâ cho pơlê Hoàng Trù; tíu Tơbâ pơlê Sen. Tíu kố ối ‘măn rak hên mâu tơmeăm khoăng ki rơtế hmâ ƀă pơlê xiâm, rơpŏng hngêi, rơxông pơxiâm phô̆m xông kân nah ƀă péa rôh Pôa vêh lăm pôu dêi pơlê xiâm.