Drêng mot tung hơnăm nếo Giáp Thìn 2024, teăng mâ kăn pơkuâ Đảng, Tơnêi têa, Kăn xiâm hnê ngăn tơnêi têa Võ Văn Thưởng pơtroh rơkong troh tâi tâng kăn pơkuâ, kăn ƀô̆, lêng, khu pêi cheăng  dêi Grup pơkuâ rơkong rơkâu hơnăm nếo tơniăn lĕm má môi. A rôh pêi cheăng, Kăn xiâm hnê ngăn tơnêi têa mơnhên tối, klêi kơ’nâi vâ chê 35 hơnăm mơjiâng ƀă mơnhông, khu kăn ƀô̆, mơngế cheăng  Viettel đi đo mơdêk hiâm mơno, mơ-eăm, khên xo mâu tơdroăng ki xơpá ƀă pơloăng mơnúa.

Grup pơkuâ mơni kô hâk tơngăm troh mâu ngế lêng Viettel, hiâm mơno Viettel”, Kăn xiâm hnê ngăn tơnêi têa mơnhên tối tiah kố, xua ki xơpá, pơloăng mơnúa mê hiăng bro chiâng môi Viettel hâi kố. Kăn xiâm hnê ngăn tơnêi têa pơkâ thế ƀă tối tiah kố, ƀă túa cho khu mơdró kâ dêi Khu lêng, dêi Mố đô̆i Pôa Hồ, Grup pơkuâ athế rak vế ivá mơnhông, hbrâ rơnáu xo ƀă pêi klêi hnoăng cheăng châ pơcháu tung tơdroăng pơkâ trâu rơdâ túa tơmiât cheăng kâ tơkŭm ƀă rak tơniăn pơlê pơla gâk kring. Krê Vietttel, rơtế ƀă pêi cheăng kâ, Grup pơkuâ ối kal tơrŭm ƀă tơdroăng cheăng tơpui kâ dêi tơnêi têa.