Tơmâng xo, khĕn kơdeăn mâu tơdroăng cheăng dêi Kŏng an pơlê kong kân, Kăn xiâm hnê ngăn tơnêi têa tối nhên, ƀă tơdroăng kal ki xiâm, túa lĕm tro, cheăng kâ - rêh ối, Pơlê kong kân Hồ Chí Minh ai hnoăng cheăng pêi, kal kí ƀă kơpong ƀă tung lâp tơnêi têa. Kăn xiâm hnê ngăn tơnêi têa pơkâ thế kŏng an pơlê kong kân thế  ‘nâi tŭm tơdroăng cheăng a pơlê cheăm, teăm tăng ‘nâi plĕng ăm rêm râ, kơvâ cheăng mâu kăn rêm râ dêi pơlê kong kân vâ tơleăng klêi mâu tơdroăng tơniăn tung tŭm tơdroăng.

Kăn xiâm hnê ngăn tơnêi têa pơkâ thế mâu Kăn sát tơpâ mơdât on chếo tŏng xo mâu hliăng tiâ dêi pơlê kong kân mơdêk tơƀrê tơdroăng rak ngăn  Tơnêi têa hbrâ tơpâ on chếo, ƀă tơdroăng: “Mơhé kơbố, tíu pêi cheăng ki lâi, xuân thế rak vế pêi pro tro kơtăng mâu pơkâ hbrâ tơpâ on chếo’’.