Kăn xiâm hnê ngăn tơnêi têa Võ Văn Thưởng pơtroh rơkong rơkâu hơnăm nếo tơniăn lĕm má môi troh vâi krâ nhŏng o kuăn pơlê kong pơlê Đồng Tháp, kuăn pơlê mâu tơring tơkăng kong Hồng Ngự, Tân Hồng ƀă Pơlê kong kơdrâm Hồng Ngự; khu lêng Kăn sat Kơ đô̆ng ƀă Khu ngăn gâk bo cheăng tơkăng kong lâp plâi tơnêi Thường Phước.

Drêng kố, Kăn xiâm hnê ngăn tơnêi têa ƀă kăn pơkuâ mâu kơ koan, tíu pêi cheăng hiăng diâp hngêi tơrŭm, hbru tơmeăm ăm mâu rơpŏng ki ai hnoăng, rơpŏng kơtiê, vâi hdrêng, kŏng nhân pêi cheăng ai tơdroăng rêh ối xơpá ƀă hbru tơmeăm ăm mâu tíu pêi cheăng ki ai tơdjâk.

Kăn xiâm hnê ngăn tơnêi têa Võ Văn Thưởng rơhêng vâ Đảng ƀô̆, kăn pơkuâ ƀă kuăn pơlê Đồng Tháp tơrŭm ăm kong pơlê mơnhông rơdêi tâ, tơmâng ngăn troh tơdroăng hnê hriâm, rak ngăn ivá ƀă tŏng kum rêh ối pơlê pơla; Khu lêng gâk tơkăng kong, Kŏng an ‘nâi nhên tíu ki ai tơdroăng ôh tá tơniăn, teăm tí tăng ‘nâi plĕng ăm kăn pơkuâ kong pơlê, ôh tá tro kơdrâ drêng trâm mâu tơdroăng.