A rôh rơkâu Têt, Kăn xiâm hnê ngăn tơnêi têa tối nhên, Khu xiâm pơkuâ ngăn Kăn sát cơ động kal pêi tro hnoăng cheăng mơjiâng Đảng krá rơdêi, pêi tro 6 tơdroăng ki Pôa Hồ hnê Kŏng an kuăn pơlê, vâ rêm ngế kăn ƀô̆, um méa mơngế Kŏng an kuăn pơlê xúa tơnêi têa piu tơná, xua vâ kum kuăn pơlê; xo tơdroăng hơniâp lĕm tơniăn dêi kuăn pơlê cho tơdroăng ki hơniâp ro dêi tơná.

Tối nhên, hâi Têt cho rôh tơkŭm hôp rơpŏng hngêi, la hên mâu lêng Kăn sát cơ động thế pêi hnoăng cheăng tơplâ, hbrâ ví tŭm tơdroăng, Kăn xiâm hnê ngăn tơnêi têa pơkâ thế Đảng ủy, Khu xiâm pơkuâ ngăn Kăn sát cơ động, kăn ƀô̆ pơkuâ tơmâng khât troh tơdroăng rêh ối, mơdêk tuăn ngôa, mơnhông pêi lo tơmeăm khoăng vâ rêm ngế mâu lêng mơhé dế pêi hnoăng cheăng tơplâ, mơhé pêi cheăng alâi xuân tâ ki tơtô dêi rơnó Hơngui, tung tơdroăng tơmâng khât dêi Kăn ƀô̆ pơkuâ.