Pơxiâm lăm ngăn Hoàng Thành Thăng Long, Kăn xiâm hnê ngăn tơnêi têa Võ Văn Thưởng rơtế ƀă Kăn xiâm pơkuâ kong têa Philipines Marcos hiăng veăng leh hâi “Happy Tết 2024’’ po a Kơpong xiâm Hoàng Thành Thăng Long.

A kố, Kăn xiâm hnê ngăn tơnêi têa hiăng tơbleăng ăm Kăn xiâm pơkuâ kong têa Philipines ‘na hâi Têt tiô khôi hmâ Việt Nam ƀă mâu túa lĕm tro ki tơviah, rơtế ƀă hâi Tết Việt Nam, mâu tơdroăng ki kơnía git túa lĕm tro, tơmeăm khoăng, tơdroăng xah hêi tiô chal ton nah tng mâu hâi Têt; mâu kơchâi kế kâ tiô hmâ pơchên túa ton nah, tơmeăm kâ têk hâi Têt; ngăn hơdruê xuăng tiô khôi túa hdroâng mơngế.

Pơtối mê, Kăn xiâm hnê ngăn tơnêi têa Võ Văn Thưởng hiăng rơtế ƀă Kăn xiâm pơkuâ kong têa Philipines Marcos lăm ngăn a mâu tíu tơbâ ton nah Hoàng Thành Thăng Long. Mơgêi hneăng lăm pôu, khu kăn hiăng xup um ƀă tơbâ a pakĭng um prếo Điện Kinh Thiên, chiâng môi tung mâu tơdroăng ki hdró chôu pâ ăm hneăng lăm pôu râ kăn xiâm Tơnêi têa Việt Nam rôh kố dêi kăn xiâm pơkuâ kong têa Philipines Marcos.