Tơpui a leh tơbleăng, Kăn xiâm hnê ngăn tơnêi têa Võ Văn Thưởng tối nhên pêi pro tiô rơkong hnê pơchân dêi Pôa Hồ pâ nhuô̆m: Rơnó Hơngui cho Têt pêt loăng – Pro ăm tơnêi têa rế hía rế chiâng Hơngui”, ing rơnó Hơngui hơnăm 1960 nah troh nôkố, rêm rôh Têt troh Hơngui vêh, kuăn pơlê pin tơkŭm “Têt pêt loăng”.

Kăn xiâm hnê ngăn tơnêi têa rơhêng vâ tung la ngiâ, rêm râ pơkuâ Đảng, kăn pơkuâ, Măt trâ̆n Tơnêi têa, khu pú hên ƀă kuăn pơlê Tuyên Quang ƀă khôi hmâ pơlê xiâm kăch măng khên tơnôu, ƀă rơhêng vâ mơjiâng pơlê xiâm tơnêi têa rế hía rế hơniâp ro ƀă kro mơdrŏng, kô ai túa pơkâ ƀă pêi pro nhên, pơxúa, pơtối mơdêk mâu tơdroăng ki hiăng pêi pro klêi; mơnhông tơdroăng ki ai hlâu, ki pơxúa dêi kong pơlê ‘na kong kế ƀă tơnêi pêi chiâk, tro ƀă pêt loăng, rak vế hên hĭn sinh hok ƀă rak vế khôi túa lĕm tro khôi hmâ, mơjiâng thôn pơlê nếo, mơdêk ki rơkê plĕng tung tơdroăng rêh ối ăm kuăn pơlê, veăng kum mơjiâng kong pơlê Tuyên Quang mơnhông rĕng ƀă krá tơniăn.