Pơxiâm ‘no a troăng hyôh Rơ’jíu - Um Tơvi Việt Nam sap hơnăm 2014 nah troh nôkố, tơdroăng “Pêi cheăng lĕm” hiăng tơbleăng ăm lối 2 rơpâu 200 tơdroăng hơ’muăn tối ‘na hiâm mơno lĕm châ tơbleăng troh lâp ăm mâu ngế kuăn pơlê ki ngăn um, mơhno um méa kuăn mơngế, Tơnêi têa Việt Nam lĕm tơdrăng, ai hên ngế ai hiâm mơno lĕm ‘nâi hơ-ui tŏng kum mâu ki pá.

Kăn xiâm hnê ngăn tơnêi têa tối nhên mâu tơdroăng hơ’muăn ki tơdroăng “pêi cheăng lĕm’’ dêi Rơ’jíu - Um tơvi Việt Nam hiăng mơđah tơbleăng, tơbleăng troh lâp lu mâu tơdroăng ‘nâi hơ-ui pâ ki lĕm, ki kơnía, mơhno ăm hên ngế hlo. Kăn xiâm hnê ngăn tơnêi têa púi vâ Tơdroăng “pêi cheăng lĕm’’ tăng tơ’nôm hên ngế, hên mâu ki ai hiâm mơno lĕm, hên tơdroăng cheăng pêi ki lĕm tung lâp lu tơnêi têa, vâ khĕn kơdeăn, va rế ai hên mâu tơdroăng pêi cheăng ki lĕm troh lâp lu troh tâi tâng rêm ngế tung lâp tơnêi têa.

Ing mê, mơhnhôk kuăn pơlê pêi pro, veăng’no hnoăng tơná mơjiâng um méa tơnêi têa Việt Nam lĕm tơdrăng, kro mơdrŏng ai hên tơdroăng ‘nâi hơ-ui pâ kơ mâu ngế ki pá puât.