Tối tơbleăng a rôh trâm mâ, Kăn xiâm hnê ngăn tơnêi têa Võ Văn Thưởng koh tơdah pôa Lý Thư Lỗi pơkuâ djâ khu kăn Đảng kŏng sản Sinuâ lăm pôu Việt Nam hlối pơkuâ hôp tơpui tơno rôh má 18 pơla péa Đảng. Ngế xiâm hnê mơhno cheăng Đảng Kŏng san Sinuâ Lý Thư Lỗi khĕn kơdeăn khât mâu tơdroăng tơpui tối dêi Kăn xiâm hnê ngăn tơnêi têa Võ Văn Thưởng ‘na tơdroăng mơnhông tơrŭm cheăng pơla péa Đảng, péa tơnêi têa xuân môi tiah mâu tơdroăng  mơdêk tơƀrê tơrŭm pơla péa Khu hnê mơhno tơdroăng kal kí xiâm Đảng Kŏng sản Việt Nam ƀă Khu hnê mơhno tíu xiâm Đảng Kŏng sản Sinuâ.

Péa pâ kô mơdêk tơrŭm krá, tơpui tối ăm dêi rơpó ‘nâi túa pêi cheăng ‘na tuăn mơhno, túa lĕm tro, mơnhôk pêi pro tiô tơdroăng tơrŭm sap ton nah ƀă mâu hnoăng pêi pro châ tơƀrê lĕm tung tơrŭm cheăng pơla péa tơnêi têa, veăng pơtối mơnhông tơrŭm tiah hmâ ton nah pơla Việt Nam -Sinuâ.