Klêi leh tơdah kân krip kơ Kăn xiâm pơkuâ kong têa Alơmăng, a peăng kong xêi hâi lơ 23/1, a tíu pêi cheăng Kăn xiâm hnê ngăn tơnêi têa, Kăn xiâm hnê ngăn tơnêi têa Võ Văn Thưởng hiăng tơpui tơno ƀă Kăn xiâm pơkuâ kong têa Alơmăng. A rôh tơpui tơno, péa ngế Kăn hiăng tơpui ‘na mâu troăng vâ pêi, tơdroăng pêi ki kân vâ pro trâu rơdâ tâ nếo tơdroăng tơrŭm cheăng pơla Việt Nam- Alơmăng, xuân  tối ‘na mâu tơdroăng tung kơpong ƀă lâp plâi tơnêi ki péa pâ rơtế ‘nâi plĕng.

Péa pâ vâ môi tuăn mơdêk tơrŭm cheăng tung mâu kơvâ cheăng lêng, khoa hok, kơmăi kơmok, ‘na luât, chiâk deăng; mơdêk mâu tơdroăng trâm mâ mơhno túa lĕm tro, ing mê, veăng mơdêk hlê plĕng ƀă tơrŭm cheăng pơla kuăn pơlê péa tơnêi têa, ai pơxúa tơbâ 60 hơnăm mơjiâng tơpui kâ pơla Việt Nam - Alơmăng a hơnăm 2025.