Vâ chê 400 ngế châ pơkâ diâp inâiNghệ sĩ Nhân dân, Nghệ sĩ Ưu tú, ối tung hên kơvâ, môi tiah âm nhạc, điện ảnh, kơhnhon xuăng, tơpui tung rơ’jíu-um tơvi, pro pơro. Kăn xiâm hnê ngăn tơnêi têa Võ Văn Thưởng veăng ai mâ, tơpui ƀă diâp inâi  Nghệ sĩ Nhân dân ăm mâu nghê̆ sih.

Tơpui a rôh leh, Kăn xiâm hnê ngăn tơnêi têa Võ Văn Thưởng teăng mâ kăn pơkuâ Đảng, Tơnêi têa pơtroh rơkong hâk ro tơniăn lĕm má môi troh mâu nghê̆ sih ki châ diâp inâi tung rôh kố, mâu ngế ki hiăng pêi cheăng krá ton, tơmiât rơkê ƀă ai hên hnoăng cheăng pleăng ki kal ăm tơdroăng rêh ối lĕm tro ngê̆ thuât tơnêi têa.

Kăn xiâm hnê ngăn tơnêi têa tối loi ngah, mâu rơxông ngê̆ sih kô pơtối dêi rơpó krá rơdêi ƀă ivá tơmiât rơkê hên hĭn, ƀă tơdroăng ki hâk vâ Tơnêi têa khât, tơrŭm ƀă kuăn pơlê, ƀă tơdroăng cheăng hơ’lêh nếo xua Đảng pơkuâ, khu ngê̆ sih tơnêi têa kô tơmiât rơkê mê hên mâu ƀai ki hơniâp ro, kơnía khât ‘na hiâm mơno ƀă ngê̆ thuât, tơxâng ƀă chal nôkố, tơbêng ivá hiâm mơno pơlê pơla, veăng kum kân khât tâ nếo tung tơdroăng pêi pro troh dêi hdroâng mơngế.