A kơpong tíu tơbâ, a ngiâ um meăn chêh inâi mâu ki hlâ xua tơplâ hdroâng mơngế, Ngế ki rơkê Nguyễn Trãi, Kăn xiâm hnê ngăn tơnêi têa rơtế ƀă mâu kăn xiâm hiăng nhoăm pâ chôu nhang, tơbâ troh hnoăng kân Ức Trai ki ki rơkê, môi ngế ki rơkê lĕm tro má môi, môi ngế ai tuăn rơkê luâ kơ rơxông, môi ngế rơkê cheăng tơdroăng kal kí, troăng rơhlâ lêng, tơpui tơno rơkê.

Akố, Kăn xiâm hnê ngăn tơnêi têa  xuân veăng leh pơxiâm chêh apoăng rơnó Hơngui ƀă pơxá: Pơlê xiâm Hà Nội: Ki kơnía lĕm - rơkê plĕng - túa nếo’’ ƀă pêi pro tro tiô tơdroăng pơxiâm chêh apoăng rơnó Hơngui. Tơdroăng chêh apoăng rơnó Hơngui sap ing nah hiăng pơtối rak vế pêi pro môi tiah túa lĕm tro ton nah dêi mơngế Việt Nam.

Mâu chư chêh lĕm apoăng dêi hơnăm hmâ mơhno tơdroăng púi vâ ‘na mâu tơdroăng ki lĕm, mơhúa, hơniâp ro, mơhno tơdroăng hmâ pêi pro ton nah ki ‘nâi nhoăm, pâ mơngế ai hnoăng tơnêi têa dêi hdroâng mơngế Việt Nam, mơdêk tơdroăng mơhnhôk hriâm, mơhnhôk hriâm rơkê, veăng mơdêk ki kơdo mơ-eăm hriâm, vâ rế rơkê dêi  mơngế Việt Nam.