Kăn xiâm hnê ngăn tơnêi têa Võ Văn Thưởng pơkâ thế Kăn pơkuâ kong pơlê Fukuoka Hattori Seitaro thăm mơdêk mâu tơdroăng cheăng trâm mâ kuăn pơlê Việt Nam – Nhuk tối tơdjuôm ƀă pơla Hà Nội ƀă kong pơlê Fukuoka tối krê, malối cho mâu tơdroăng cheăng ôm hyô rôh pơtê dêi mâu hok tro Nhuk troh Việt Nam ƀă hok tro, droh rơtăm Việt Nam troh pôu Nhuk, ing mê veăng kum mơjiâng krá rơdêi tơdroăng tơrŭm pơla péa tơnêi têa tung la ngiâ.

Pakĭng mê, péa pâ kal tŏng kum mâu khu mơdró kâ dêi Nhuk ƀă khu mơdró kâ Fukuoka pơtối thăm mơdêk ‘no liăn pêi cheăng a Việt Nam, tơrŭm ƀă mâu khu mơdró kâ Việt Nam mơnhông ‘no liăn cheăng, tê mơdró, tơrŭm tung mâu kơvâ cheăng ki péa pâ ai ivá rơdêi.

Kong pơlê Fukuoka ƀă mâu kong pơlê ki ê tơrŭm ƀă Việt Nam hnê mâu ngế pêi cheăng rơkê. Kăn pơkuâ kong pơlê Fukuoka tối rơhêng vâ pơtối thăm mơdêk mâu tơdroăng tơrŭm cheăng, tơrŭm tung hên mâu kơvâ cheăng ki pơrá phá dêi pó pơla Fukuoka ƀă Hà Nội ƀă rơhêng vâ châ xo tơdroăng ki môi tuăn dêi Kăn xiâm hnê ngăn tơnêi têa Võ Văn Thưởng.