A rôh tơpui, Kăn xiâm hnê ngăn Vi ƀan Pơlê kong kân Hồ Chí Minh Phan Văn Mãi púi vâ kăn xiâm pơkuâ kong têa Alơmăng pơtối mơhnhôk khu mơdró po rơdâ tơrŭm cheăng, ‘no liăn cheăng a Pơlê kong kân Hồ Chí Minh tung mâu kơvâ cheăng ki Alơmăng ai rơdêi mê cho: Kŏng ngê̆ mơjiâng pro tơmeăm khoăng, mơjiâng hngêi trăng  troăng prôk, ‘mâi pro on tơhrik..., veăng rơtế ƀă pơlê kong kân mơnhông krá tơniăn.

Pơlê kong kân Hồ Chí Minh tơhrâ kô pơtối ‘mâi mơnhông tơdroăng ‘no liăn cheăng, pro tơ’lêi hlâu ăm mâu khu ‘no liăn cheăng, tung mê, ai mâu khu mơdró Alơmăng troh ‘no liăn cheăng, tê mơdró a pơlê kong kân. Kăn xiâm hnê ngăn Vi ƀan pơlê kong kân xuân tối púi vâ Kăn xiâm pơkuâ kong têa Alơmăng pơtối mơhnhôk, veăng kum mâu khu ngăn ‘na hnê hriâm dêi Alơmăng, khu mơdró   Alơmăng mơdêk tơrŭm cheăng ƀă Pơlê kong kân Hồ Chí Minh tung kơvâ hnê hriâm ƀă hnê mơjiâng tuăn ngôa rơkê ăm sinh viên pơlê kong kân; tơpui tơno hnê mơhno túa pêi cheăng rak ngăn ƀă pơ’lêh nếo hnê hriâm. Khu kăn vêh ing pơlê kong kân a kơxêi măng hâi lơ 24/1, klêi rôh lăm pôu râ kăn xiâm Tơnêi têa Việt Nam.