Kăn xiâm hnê ngăn Vi ƀan xiâm Măt trâ̆n Tơnêi têa Việt Nam hbru tơmeăm Têt a kong pơlê Bắc Kạn
Thứ ba, 13:50, 30/01/2024
Tơplôu: Katarina Nga/VOV
Tơplôu: Katarina Nga/VOV
VOV4.Xơ Đăng - Hâi lơ 29/1, Kăn hnê ngăn Vi ƀan xiâm Măt trâ̆n Tơnêi têa Việt Nam Đỗ Văn Chiến hiăng pôu, hbru tơmeăm Têt ăm rơpŏng kơtiê, kŏng nhân pêi cheăng ki ai tơdroăng rêh ối xơpá ƀă rơpŏng ki châ tơnêi têa kum dêi tơring Chợ Đồn, kong pơlê Bắc Kạn.
A cheăm Nam Cường, pôa Đỗ Văn Chiến hiăng diâp vâ chê 330 kơxuô tơmeăm ăm rơpŏng kơtiê ƀă rơpŏng kŏng nhân, mơngế pơkuâ, ngế pêi cheăng ai tơdroăng xơpá. Pakĭng mê, khu ki pêi dêi hnoăng cheăng kố hiăng diâp 300 rơtuh liăn vâ kum bro hngêi pế pơchên hmê ăm hngêi trung Pù Lườn, cheăm Cao Tân, tơring Pác Nặm, kong pơlê Bắc Kạn.
Kăn hnê ngăn Vi ƀan xiâm Măt trâ̆n Tơnêi têa Việt Nam Đỗ Văn Chiến tối rơhêng vâ kuăn pơlê mâu hdroâng kuăn ngo kong pơlê Bắc Kạn pơtối mơdêk hiâm mơno tơrŭm, tơngah khât tung troăng pơkuâ dêi Đảng, Tơnêi têa, ôh tá la lâi pơtê, mơ-eăm mơjiâng pơlê xiâm, thôn pơlê.
Viết bình luận