Tiô hlá mơ-éa, túa pơkâ mơgêi pêi pro tơdroăng pơkâ tŏng kum pro hngêi ối tơrŭm kân ăm rơpŏng kơtiê dêi kong pơlê tơmiât troh tơbâ 70 hơnăm ƀlêi trâng Điện Biên Phủ kô châ po a tơdế khế 3/2024. Ki xiâm dêi rôh mơgêi kô mơnhên tối klêi kơ’nâi pêi pro tơdroăng pơkâ 09; leh pơcháu 5 rơpâu toăng hngêi tơrŭm kân ăm rơpŏng kơtiê dêi kong pơlê; khĕn kơdeăn mâu khu pú hên, ngế krê ki kơhnâ rơkê tung mơhnhôk, tơlo ƀă tơkŭm tơbleăng pêi pro tơdroăng pơkâ 09.

A rôh pêi cheăng, pôa Đỗ Văn Chiến pơkâ thế kong pơlê Điện Biên rơnêu mâu tơdroăng tung túa pơkâ tơkŭm po, mê cho: rơnêu tơdroăng ing trâm mâ tơpui tơno ƀă kuăn pơlê chiâng rah xo mâu kăn vâ tơpui tối a rôh po tơdroăng; ‘mot tơ’nôm tơdroăng trâm mâ hơdruê xoăng tung leh pâ mơnê; teăng ăm túa pơkâ ai hên mâu kăn tiô tơdroăng ki ai khât.