Kăn xiâm phŏ hnê ngăn Kuô̆k hô̆i Nguyễn Đức Hải pơtroh rơkong rơkâu troh tâi tâng mâu ƀok phop Khu pơkuâ Hô̆i đong pơkuâ tơdroăng khôp phop, Khu xiâm pơkuâ khôp phop Việt Nam. Rơkâu Khu pơkuâ ngăn tơdroăng khôp tơdah hơnăm nếo 2024 tơniăn phiu ro, ai hên ivá, khôp pâ ăm tơnêi têa tơniăn, kuăn pơlê tơniăn, rêm rơpŏng hngêi pơrá phâi hơtô, hơniâp lĕm.

Ƀok Phop Thích Thanh Nhiễu, Kăn phŏ hnê ngăn Hnê mơhno má môi Hô̆i đong Pơkuâ Khu xiâm khôp Phop Việt Nam mơnê tơdroăng tuăn pâ, tơdroăng tơmâng tŏng kum dêi khu râ kăn Kuô̆k hô̆i Việt Nam. Tơdrêng amê tối ăm ‘nâi, Khu pơkuâ Khôp Phop Việt Nam kô pơtối mơnhông mâu tơdroăng châ tơƀrê tung tơdroăng khôp Phop hơnăm 2024, pơtối rơtế hdroâng mơngế, mơnhông mâu tơdroăng châ tơƀrê, pơtâng tối, mơhnhôk kuăn khôp Phop pêi lĕm tro troăng hơlâ dêi Đảng, troăng hơlâ luât dêi Tơnêi têa, mơdêk hiâm mơno rŭm môi tuăn hdroâng mơngế kum mơjiâng môi pơlê pơla lĕm tro, hơniâp lĕm, tơniăn lĕm.