Lưh đoân 146 – khu Trường Sa, cho tíu pêi cheăng ối tung Kơpong 4 Khu lêng gâk kring têa kơxĭ ai hnoăng pơkuâ, gâk kring rơlố Trường Sa, kong pơlê Khánh Hòa. Khu râ kăn Trường Sa hiăng hnê mơhno mâu tíu cheăng mơjiâng mâu troăng pêi hbrâ tơplâ, đi đo séa ngăn tơdroăng a hbo plêng, a têa kơxĭ, ôh tá ăm ai tơdroăng châ hluăn ing mâu pơkâ.

Mâu tíu cheăng rak tơniăn lĕm má môi mâu pơkâ ‘na kế tơmeăm khoăng, hiâm mơno a mâu rơlố, tíu chuăn. Tơdroăng hbrâ ăm khu lêng, kuăn pơlê a mâu rơlố tơdah Têt Lo hơnăm nếo Giáp Thìn hiăng châ pêi pro tŭm tiô pơkâ. Xông tơpui ƀă kăn ƀô̆, mâu lêng Lưh đoân 146, Kăn xiâm phŏ hnê ngăn Kuô̆k hô̆i pơkâ thế khu râ kăn pơkuâ, hnê mơhno, kăn ƀô̆, mâu lêng Lưh đoân 146 kal thăm veăng hên hbrâ tung tơdroăng pêi cheăng tŏng kum – tŏng xo, kum kuăn pơlê drêng tơnăng ká xi xŏng a têa kơxĭ; cho tíu hgiên krá tơniăn ăm kuăn pơlê tơnăng ká xi xŏng lo lăm tơnăng ká xi xŏng.

Pin tơkŭm mơjiâng ƀă mơnhông tơring Trường Sa chiâng tíu xiâm cheăng kâ – khôi túa lĕm – rêh ối pơlê pơla a têa kơxĭ dêi lâp tơnêi têa, cho kơnâng kâng ki krá tơniăn gâk kring hnoăng pơkuâ Tơnêi têa’’.