Kơxo lơ 12/1, pôa Trần Thanh Mẫn ngế cheăng tung khu xiâm kal kí, kăn phŏ hnê ngăn Hô̆i đong Kuô̆k Hô̆i  hiăng troh lăm pôu, rơkâu Têt ƀă diâp tơmeăm ăm mâu ai hnoăng, mâu rơpŏng kơtiê, rơpŏng kơtiê, rơpŏng ki rêh ối pá puât tung tơring Châu Thành A, kong pơlê Hậu Giang. Teăng mâ Vi ƀan pơkuâ cheăng Kuô̆k hô̆i, pôa Trần Thanh Mẫn pơtroh ăm Kăn hnê ngăn kong pơlê Hậu Giang, tơring Châu Thành A, mâu rơpŏng kơtiê, mâu kŏng nhân, mơngế pêi cheăng ki xơpá tung tơring Châu Thành, kong pơlê Hâụ Giang rơkong rơkâu hơlêm ki lĕm tro má môi.

Kăn xiâm phŏ hnê ngăn Kuô̆k hô̆i tối pơchân Hà Giang pơtối tơmâng mơnhông tơdroăng rêh ối ‘na tơmeăm khoăng, hơlêm tuăn ngôa ăm mâu rơpŏng kơtiê, mâu ngế pêi cheăng ki kơtiê xơpá djâ kuăn pơlê pơ’lêh hdrê pêt, mơnăn păn tiô troăng pêi krúa tơniăn, chôa lâng mơjiâng inâi tơmeăm pêi lo ing chiâk deăng krúa, tơleăng mơnhên tơdroăng tê tơmeăm pêi lo ing chiâk deăng dêi kuăn pơlê; mơdêk ki rơkê ‘na hnê hriâm ăm rơpŏng hngêi ‘na luât pơkâ tŏng kum, rơpŏng kơtiê.