Drêng troh Têt tiô khôi hmâ Chôl Chnăm Thmây dêi kuăn ngo Khmer, kơxêi hâi lơ 2/4, pôa Trần Thanh Mẫn - Kăn xiâm phŏ hnê ngăn Kuô̆k hô̆i hiăng troh lăm pôu rơkâu Têt mâu hdroâng kuăn ngo Khmer a pơlê kong kân Cần Thơ. Troh lăm pôi Khu tơrŭm tuăn dêi mâu ƀok Phop ki pâ nhoăm tơnêi têa dêi pơlê kong kân Cần Thơ, pôa Trần Thanh Mẫn - Kăn xiâm phŏ hnê ngăn Kuô̆k hô̆i  sôk ro, hâk phiu hlo mâu hnoăng veăng ‘no dêi mâu mâu ƀok Phop, mâu thái  Phop ai tuăn pâ dêi Khu tơrŭm môi tuăn dêi ƀok phop ki pâ nhoăm tơnêi têa Pơlê kong kân Cần Thơ tung mâu hơnăm mê hía nah.

Pakĭng mê, kuăn ngo Khmer hiăng veăng ‘no hên hnoăng’mâi rơnêu pro mâu hngêi chuô, mơhnhôk kuăn pơlê ki tiô khôp kơhnâ pêi klâng chiâk, tê mơdró vâ mơnhông tơdroăng rêh ối, kơdroh kơklêa, xăm kơtiê; loi khât a hnoăng cheăng dêi tơná, mâu ƀok phop, mâu ai tuăn hơ-ui, mâu thái Phop, achar rơtế ƀă mâu kuăn pơlê Khmer pơtối ‘no hnoăng hên tâ nếo tung tơdroăng pêi cheăng kâ tơrŭm môi tuăn tâi tâng hdroâng mơngế, mơjiâng ƀă kring vêa tơnêi têa rế ton rế rơdêi.