Kăn xiâm phŏ hnê ngăn tơnêi têa Võ Thị Ánh Xuân diâp tơmeăm Têt a kong pơlê Quảng Nam
Thứ ba, 08:13, 30/01/2024 Tơplôu: Katarina Nga/VOV Tơplôu: Katarina Nga/VOV
VOV4.Xơ Đăng - Kơxo lơ 29/1, Kăn xiâm phŏ hnê ngăn tơnêi têa Võ Thị Ánh Xuân rơtế ƀă Khu kăn ki pêi dêi hnoăng cheăng troh pôu ƀă hbru tơmeăm Têt a kong pơlê Quảng Nam.

Tiô kăn xiâm phŏ hnê ngăn tơnêi têa, kong pơlê Quảng Nam cho tơnêi ki ai hên ngế hlâ, châi heăng tung rôh tơplâ. Tíu kố ai lối 65 rơpâu ngế lêng hlâ, 15.339 ngế nôu khên tơnôu ƀă 45.500 ngế châ tơnêi têa kum. Kăn xiâm phŏ hnê ngăn tơnêi têa Võ Thị Ánh Xuân pơkâ thế kong pơlê Quảng Nam rế tơkŭm ‘mâi mơnhông mâu tơdroăng ki tá hâi pêi pro klêi, mâu tơdroăng ki hâi tro ‘ló ki hiăng châ khu kăn séa ngăn dêi Tơnêi têa mơhno, rế mơ-eăm pêi klêi mâu tơdroăng pơcháu tung pơla hơnăm 2021 – 2025, ing mê, bro ai ivá tơƀrê tung pơla hneăng mơnhông nếo.

Drêng kố, kăn xiâm phŏ hnê ngăn tơnêi têa Võ Thị Ánh Xuân diâp ƀâng ăm kong pơlê Quảng Nam bro 10 toăng hngêi tơrŭm, tâi tâng kơnâ 500 rơtuh liăn; diâp 200 kơxuô tơmeăm Têt ăm rơpŏng châ tơnêi têa kum ƀă rơpŏng kơtiê a kong pơlê Quảng Nam; diâp 200 kơxuô tơmeăm Têt kum kŏng nhân ki ai tơdroăng xơpá ƀă 200 rơtuh liăn kum hdrêng ai tơdroăng xơpá a kong pơlê Quảng Nam.

       

Tơplôu: Katarina Nga/VOV

Viết bình luận

TIN CÙNG CHUYÊN MỤC