Kăn xiâm phŏ hnê ngăn tơnêi têa Nguyễn Thị Ánh Xuân, Kăn xiâm phŏ hnê ngăn tơnêi têa má môi Hô̆i đong tơ’noăng khĕn kơdeăn xiâm tơnêi têa veăng hôp. Pơtối mâu tơdroăng hiăng châ pêi pro tung hơnăm hdrối, hơnăm 2024, Pơlê kong kân Hải Phòng pơkâ mơnhông cheăng kâ - rêh ối rơdêi ƀă mâu pơkâ hên tâ hơnăm 2023, tung mê; ki tâk tâi tâng tơmeăm pê lo tung kong pơlê GRDP sap 11,5% - 12%; kơlo xô̆ pêi cheăng ƀă kơmăi kơmok IIP tâk 15%; tâi tâng liăn ngân Tơnêi têa tung kong pơlê lối 106.761 rơtal liăn; tơ’mot kong têa ê ‘no liăn cheăng pa kong sap 2- 2,5 rơtal dollars.

Vâ ai tiô pơkâ, Hải Phòng hiăng pơkâ mâu tơdroăng cheăng troăng rơhlâ pêi ki nhên khât, tung mê tơkŭm po rơdâ cheăng kâ, hơ’lêh nếo túa mơnhông mơdêk, ‘mâi mơnhông cheăng kâ tiô troăng mơnhông 3 tơdroăng ki xiâm: kơmăi kơmok ki dâi lĕm - Logistics, ôm hyô - tê mơdró, mơdêk ‘mâi hơ’lêh cheăng. ‘Na luât, pêi pro tiô tơdroăng cheăng xiâm râ tơring, râ cheăm, mơdât kâ kơluâ, kơdĭng liăn, ôh tá mơ’nhiê hmâng vâ.