Xông tơpui a hneăng hôp, jâ Võ Thị Ánh Xuân tối nhên, tung pơla kố nah, tơ’noăng kheăn kơdeăn hiăng chiâng tơdroăng ki vâ mơ-eăm, troăng pêi vâ tâi tâng tơdjuôm ivá, môi hiâm mơno pêi pro hnoăng cheăng kal kí tung tơdroăng rêh ối nếo.

‘Na tơdroăng tơ’noăng ôh tá chiâng pro krâ kơvâ, iâ êt mê thế pêi păng ‘nâng, troh rơdâ tung tơdroăng rêh ối; tơdrêng amê thế pêi tơtro tâ tơdroăng kheăn kơdeăn, mơhnhôk mâu ngế kơhnâ rơkê. Jâ Võ Thị Ánh Xuân pơkâ thế ƀă hiâm mơno khên tơmiêt, khên pêi dêi mơngế peăng mâ hâi lo pơtối mơ-eăm vâ châ tơƀrê hneăng nếo, veăng kum tơxâng tung tơdroăng mơnhông dêi tơnêi têa. A hneăng hôp, Bình Dương diâp hlá cơ ăm Kơpong tơ’noăng hơnăm 2023 cho Bình Phước.