Tơdroăng ki chêh tung kơthô mê: Ƀă hiâm mơno mơngế pú, tơnêi têa ki a chê tơrŭm, teăng mâ Khu pơkuâ Tíu xiâm Đảng Kŏng san Việt Nam, á pơtroh troh kăn xiâm hnê ngăn Đảng Nhân dân Kul Hun Sen, mâu kăn pơkuâ ƀă kăn ƀô̆, đảng viên Đảng Nhân dân Kul rơkong rơkâu tơniăn lĕm khât dêi rôh tâ phĭu pôk kăn hneăng má 5; malối cho Đảng Nhân dân Kul hiăng châ ƀlêi trâng kân tung rôh tâ phĭu rôh kố.

Klêi kơ’nâi rôh tâ phĭu môi hdroh nếo tối nhên hnoăng cheăng, tíu cheăng dêi Đảng Nhân dân Kul xua tơdroăng pơkuâ dêi Pôa. Ngin loi tiah kố, ƀă mâu tơdroăng ki hiăng pêi pro klêi, rơtế ƀă tơdroăng ki rơkê plĕng ƀă tơdroăng ki môi tuăn dêi kuăn pơlê Kul, Đảng Nhân dân Kul xua Kăn xiâm hnê ngăn Hun Sen ối a ko kô pơtối châ ƀlêi trâng hên tơdroăng ki kân kĭn tâ nếo tung hnoăng cheăng rak vế, mơjiâng ƀă mơnhông tơnêi têa Kul.