Hbrâ hneăng hôp Đảng tung lâp tơnêi têa rôh má 14 tiô tối hdrối kô tơkŭm po a khế 1/2026 a hneăng Hôp rôh má tơheăm dêi khu kăn xiâm Đảng hneăng 13 nếo achê kố hiăng pơkâ mơjiâng 5 khu, tung mê ai Khu chêh mâu tơdroăng a hneăng hôp. Khu chêh mâu tơdroăng a hneăng hôp ai tơdroăng cheăng hbrâ mâu tơdroăng vâ Tơbleăng ‘na kal kí ƀă Tơbleăng mơgêi 40 hơnăm pơ’lêh nếo hneăng hôp má 14 dêi Đảng.

Vâ kum tơdroăng cheăng ăm Khu kố chêh mâu tơdroăng, Kăn hnê ngăn Đảng xuân pơkâ mơjiâng Khu rah chêh mâu tơdroăng kal, troh nôkố, Khu kăn hiăng tơpui tơno, ăm hnê tối, vâ môi tuăn ƀă tơdroăng pơlât, Tơdroăng Pơkâ cheăng ƀă xing xoăng tơdroăng cheăng pêi ăm tôh rah chêh...

Tơbleăng a rôh hôp, Kăn xiâm pơkuâ hnê ngăn Đảng Nguyễn Phú Trọng tối nhên, hneăng hôp mâu kăn tung lâp tơnêi têa rôh má 14 dêi Đảng cho môi tơdroăng kal kí, kố cho môi tơdroăng ki hdró tung troăng rơhlâ mơnhông tơnêi têa pin. Kăn xiâm pơkuâ hnê ngăn Đảng Nguyễn Phú Trọng tối nhên, tơdroăng hbrâ mâu tơdroăng chêh ăm hneăng hôp má 14 dêi Đảng, tung mê ai tối tơbleăng kal kí cho hlá mơ-éa tối tơbleăng ki chêh mâu tơdroăng kal, ai tơdroăng vâ mơhno ăm mâu tơdroăng chêh ki ê dêi Hneăng hôp xua mê thế chêh tro tiô khoa hok, tăng ‘nâi plĕng, pơ’lêh nếo tung túa pêi pro, thế rak tơniăn ki khât ai tơƀrê, chêh tối tŭm mâu tơdroăng  hlo ai dêi tơnêi têa, thế tơniăn klêi hneăng hôp.