Tơbleăng a rôh pêi cheăng, jâ Trương Thị Mai tối nhên, nôkố tơdroăng tơplâ tung lâp plâi tơnêi rế tâk, hên tơdroăng ôh tá tơniăn, hyôh kong prâi hơ‘lêh a hên tíu pro hên tơdroăng pá... tung pơla dế kố Khu mâu lêng hneăng hdrối kal pơtối tơkŭm, tơrŭm cheăng dêi tơná vâ tơniăn tiô pơkâ dêi Đảng. Khu kố kal pêi pro tơdroăng ki xiâm kal kí vâ veăng hnê mơhnhôk pêi pro tiô troăng tơhlâ pơkâ ki kân, ki kal dêi Đảng ƀă Tơnêi têa.

Jâ Trương Thị Mai pơkâ thế, kal mơdêk pêi pro tơdroăng pơkâ  Hneăng hôp roh má 7 dêi khu, 2 tơdroăng pêi tơƀrê châ khu kố rah xo. Pơtối hbrâ rơnáu tăng ‘nâi plĕng mâu tơdroăng, ‘na tuăn mơno mơhnhôk mâu lêng hneăng hdrối veăng pêi mâu tơdroăng cheăng dêi Đảng. Pakĭng mê ăm ‘nâi, mâu tơdroăng pâ thế a rôh pêi cheăng hâi kố kô châ pơtối séa ngăn ƀă tơ’nôm a Hlá mơ-éa tối tơbleăng dêi Pơkâ  09 vâ pơtroh ăm Khu xiâm Kal kí, Khu kăn hnê ngăn Đảng tung la ngiâ.