Rôh hôp châ tơkŭm po cho vâ tơmâng, pơtối tơmâng xo mâu rơkong tơpui tối tung 2 kơxop hlá mơ-éa pơchuât tơbleăng cho mơgêi hnoăng cheăng mơjiâng Đảng 05 hơnăm 2021 – 2025 ƀă kơxop hlá đề cương pơchuât tơbleăng mơgêi 15 hơnăm pêi pro Tơdroăng pơkâ dêi Đảng. Xua mê, Khu hnê mơhno rơhêng vâ tung pơlâ tơpui tơno tơniăn krê, ai tơdroăng ki môi tuăn khât, malối cho mâu tơdroăng ki nếo, tơdroăng ki xơpá ing tơdroăng ki ai khât.

Ing mê, veăng tơpui tối mơjiâng, pro môi túa tơmiât ‘na troăng hơlâ pơkâ dêi Đảng ‘na mơnhông tơnêi têa pơla hơnăm 2026 – 2030, troăng ngăn troh hơnăm 2045; veăng kum pơtối ‘mot tơ’nôm, mơnhông ki hlê plĕng lĭ luâ̆n dêi Đảng pin ‘na chuh ngiah xah hô̆i ƀă troăng prôk troh chuh ngiah xah hô̆i a tơnêi têa pin.

A rôh hôp, mâu kăn Khu pơkuâ hnê ngăn Đảng kong pơlê mâu kong pơlê kơpong Tây Nguyên hiăng tơpui tối ‘na mâu tơdroăng ki kal ing tơdroăng ki ai khât dêi rêm kong pơlê ƀă dêi kơpong.