Khu kăn Kuŏk hô̆i kong pơlê Dak Lak séa ngăn tơdroăng ki tŏng kum ‘mâi mơnhông cheăng kâ rêh ối
Thứ năm, 10:00, 11/01/2024
Tơplôu: Katarina Nga/VOV Tây Nguyên
Tơplôu: Katarina Nga/VOV Tây Nguyên
VOV4.Xơ Đăng - Kơxê lơ 10/1, Khu kăn Kuô̆k hô̆i kong pơlê Dak Lak pêi hnoăng cheăng séa ngăn ƀă Vi ƀan hnê ngăn kong pơlê ‘na tơdroăng ki pêi pro Pơkâ 43/2022 dêi Kuô̆k hô̆i ‘na troăng hơlâ tŏng kum liăn ngân ăm tơdroăng ‘mâi mơnhông cheăng kâ rêh ối pơlê pơla ƀă mâu tơdroăng Pơkâ dêi Kuô̆k hô̆i ‘na mâu tơdroăng tơkêa ki kal tơnêi têa troh tâi hơnăm 2023.
Luâ péa hơnăm tơbleăng pêi pro Pơkâ 43/2022 dêi Kuô̆k hô̆i a kong pơlê Dak Lak hiăng pêi châ 1 mâu tơdroăng ki tơƀrê, veăng kum pro kơdroh xơpá ăm kuăn pơlê, khu mơdró kâ, tŏng kum ăm tơdroăng cheăng kâ ‘mâi mơnhông ƀă mơdêk.
Tơpui a rôh pêi cheăng, jâ Lê Thị Thanh Xuân, kăn phŏ pơkuâ Khu kăn Kuô̆k hô̆i kong pơlê Dak Lak mơnhên tối ivá mơ-eăm dêi Vi ƀan hnê ngăn hiăng tơbleăng teăm tơdrêng, tơƀrê, tŏng kum ăm kơvâ cheăng kâ, tŏng kum khu mơdró kâ, kuăn pơlê tơkâ luâ xơpá, mơnhông mơdêk tê mơdró. Tơdrêng amê hlối pơkâ thế Vi ƀan hnê ngăn kong pơlê Dak Lak pơtối ‘mot tơ’nôm, pêi klêi hlá mơ-éa tối tơbleăng tro pơkâ.
Viết bình luận