Kố cho tơdroăng ki kân, tơdjâk troh tâi tâng mâu ngế ki vê rơxế drêng kơtâu drô troăng, châ kuăn pơlê vâ môi tuăn malối rak vế khât tung pơla hdrối kố nah. Nôkố hlá mơ-éa luât dế chêh pâ thế mâu kăn Kuô̆k hô̆i 2 tơdroăng. La mâu kăn tung Vi ƀan pơkuâ cheăng Kuô̆k hô̆i vâ môi tuăn, ƀă troăng rơhlâ má 1, Pơkâ mơdât pôi tá ăm mâu ngế vê rơxế kơtâu a drô troăng kân la tung châ ai têa drôu lơ hiâm ai hyôh drôu.

Kăn pơkuâ Vi ƀan Luât dêi Kuô̆k hô̆i Lê Thị Nga tối nhên: Klêi kơ’nâi mâu hơnăm pêi pro tiô pơkâ ki mơdât ôh tá ăm ôu drôu drêng vê rơxế mê hiăng xúa tung rêh ối  ƀă châ hên kuăn pơlê môi tuăn rak vế, pêi pro ƀă dế chôa pêi tro túa lĕm tro “Hiăng ôu drôu ƀiê̆r ôh tá chiâng vê rơxế”, hlối pro kơdroh mâu tơdroăng tơklâm rơxế xua ôu drôu, ƀiê̆r pro. Vi ƀan pơkuâ Kuô̆k hô̆i xuân pơkâ thế nhên ‘na kring vế vâi hdrêng drêng prôk drô troăng kân.