Tơpui a rôh pêi cheăng pôa Bùi Thanh Sơn, Ngế xiâm tơpui kâ tơmâng, khĕn kơdeăn mâu tơdroăng ki kong pơlê Kon Tum hiăng pêi klêi tung mơnhông cheăng kâ rêh ối pơlê pơla, tơdrêng amê hlối tối nhên: Ƀă tơnêi tơníu ki kal, rơtế ƀă hnoăng cheăng thăm mơdêk ‘mâi mơnhông tơdroăng cheăng lêng gâk kring tơdroăng mơnhông cheăng kâ rêh ối pơlê pơla dêi kong pơlê Kon Tum ai tơdjâk kân troh kơpong Tây Nguyên xuân môi tiah tung tơdroăng mơnhông cheăng kâ Việt Nam – Lếo –Kul.

Tung pơla kong pơlê ối ai hên tơdroăng xơpá, pơloăng mơnúa, Chin phuh khŏm mơ-eăm khât tung hơnăm 2024 athế pêi pro mâu tơdroăng pơkâ pêi ki Hneăng hôp Đảng rôh 13 mơ’no. Vâ cheăng kâ rêh ối pơlê pơla kong pơlê Kon Tum mơnhông kal hlo tơdroăng pá, ai teăm tŏng kum, tơdrêng amê hlối mơdêk ki ai hlâu, pơxúa krê ki kong pơlê ai.